Erling Haaland, leikmaður Dortmund, hlær að þeim sögusögnum að hann hafi verið með risa launakröfur í janúar ef hann ætti að ganga í raðir Manchester United.
Talað var um að Haaland hafi beðið um ósanngjörn laun og að United hafi dregið sig til baka úr kapphlaupinu.
Þessi 19 ára gamli strákur harðneitar þessum sögusögnum og segir þær fyndnar.
,,Þetta snerist ekkert um það heldur mennina sem ákváðu að skrifa þetta,“ sagði Haaland.
,,Þeir þurfa að útskýra þetta fyrir mér ef þeir hitta mig. Ég einbeiti mér ekkert að því.“
,,Það er fyndið ef ég fæ þann stimpil á mig. Allir sem þekkja mig vita að ég er ekki þannig manneskja.“
