Piers Morgan þekktasti stuðningsmaður Arsenal hefur verulegar áhyggjur af ástandinu hjá félagi sínu. Hann hefur áhyggjur af launahæstu leikmönnum liðsins og segir furðulega hluti í gangi á bak við tjöldin.
Arsenal hefur misst flugið eftir að hafa byrjað tímabilið vel og er jafnvel farið að ræða það hvort Arsenal eigi að reka Mikel Arteta úr starfi.
Pierre-Emerick Aubameyang fyrirliði liðsins krotaði undir nýjan samning við félagið á dögunum og hefur síðan þá ekkert getað.
„Það er eitthvað við líkamstjáningu leikmanna og sérstaklega hjá Aubameyang þessa stundina,“ sagði Morgan í viðtali við Sky Sports.
„Hvort sem það er sjálfstraust eða eitthvað, hann hefur ekki skorað í síðustu leikjum. Það gæti líka eitthvað verið í gangi á bak við tjöldin, það er eitthvað í gangi þar veit ég.“
Launahæsti leikmaður liðsins Mesut Özil fær svo ekkert að spila og Morgan telur það hafa áhrif.
„Það gæti tengst Mesut Özil, sem er með 350 þúsund pdun á viku og situr í PlayStation. Ég veit það ekki, það virðist hafa mikil áhrif á liðið. Það er enginn barátta eða ástríða.“
„There is something going on behind-the-scenes…“@GMB host @piersmorgan is worried about the body language of the Arsenal squad – in particular Pierre-Emerick Aubameyang – ahead of the North London Derby
— Sky Sports Premier League (@SkySportsPL) December 4, 2020
