Jóhann Berg Guðmundsson var í byrjunarliði Burnley þegar liðið tók á móti Crystal Palace í ensku úrvalsdeildinni í dag.
Burnley hafði ekki enn sigrað leik í deildinni þegar þessi leikur hófst.
Burnley byrjaði leikinn vel og strax á áttundu mínútu kom Chris Wood Burnley yfir. Leikar stóðu 1-0 þegar flautað var til hálfleiks. Í síðari hálfleik hefði Jóhann Berg getað tvöfaldað forystuna en boltinn small í slánni. Hann var tekinn af velli á 67. mínútu.
Fleiri mörk voru ekki skoruð og fyrsti sigur Burnley í deildinni orðinn að veruleika.
Með sigrinum kom Burnley sér úr fallsæti og upp í 17. sæti. Þeir eru með fimm stig. Crystal Palace er í 10. sæti með 13 stig.
Burnley 1 – 0 Crystal Palace
1-0 Chris Wood (8′)
