„Það var erfið ákvörðun að fara frá KR en ég náði ekki samkomulagi við stjórn, samningurinn minn er að renna út. Þetta er hluti af fótboltanum,“ sagði Pablo Punyed eftir að hafa skrifað undir tveggja ára samning við Víking í dag.
Pablo er þrítugur fjölhæfur leikmaður sem er frá El Salvador en hann kom fyrst til Íslands árið 2012 og gekk í raðir Fjölnis. Punyed lék með Fylki sumarið 2013 áður en hann gekk í raðir Stjörnunnar árið 2014 og varð Íslandsmeistari með liðinu.
Þessi öflugi leikmaður lék svo með ÍBV sumarið 2016 og 2017 áður en hann fór til KR þar sem hann lék með liðinu í þrjú ár. Punyed var frábær framan af sumri í efstu deild karla
„Ég er að sýna meira og verða betri, ég held að ég geti spilað minn besta fótbolta hérna. Ég er bestur á miðsvæðinu, við getum barist um stóru titlana hérna.“
Hann á eftir að sakna KR og hefur þetta að segja um félagið. „KR-ingar eru frábærir, KR er stærsta félagið á Íslandi. Ég veit það, það er alltaf pressa að spila með KR.“
Viðtalið við Pablo er í heild hér að neðan.
