Á Ítalíu í Meistaradeild Evrópu tók Atalanta á móti Liverpool í D-riðli í gær. Diogo Jota kom gestunum yfir á 16. mínútu. Hann bætti síðan við öðru marki á 33. mínútu. Á 47. mínútu kom Mohamed Salah, Liverpool í stöðuna 0-3.

Tveimur mínútum síðar skoraði Sadio Mané fjórða mark gestanna. Það var síðan Diogo Jota sem fullkomnaði þrennu sína og 0-5 sigur Liverpool með marki á 55. mínútu. Liverpool er eftir leikinn í 1. sæti riðilsins með 9 stig eftir 3 leiki. Atalanta er í 3.sæti með 4 stig.

Jota byrjaði á kostnað Roberto Firmino. „Þetta var ákvörðunin fyrir þennan leik, það var valið að velja Jota núna vegna þess hvernig Atalanta spilar,“ sagði Jurgen Klopp eftir leik.

„Stundum er heimurinn slæmur staður, um leið og einhver blómstrar þá byrjum við að tala um annan leikmann sem hefur spilað 500 leiki í röð.“

„Stuðningsmenn Liverpool myndu margir halda því fram að Firmino myndi gera liðið okkar sérstakt á sunnudag gegn City. Það er mikilvægt að hafa fleiri en ellefu leikmenn og Jota notaði tækifæri sitt og var frábær.“

„Það hefur ekkert með Bobby að gera og þetta gefur mér ekki hausverk, ég er ánægður þegar leikmennir spila vel.“