Brandon Williams varnarmaður Manchester United hafnar því að hafa verið að senda stúlku undir lögaldri skilaboð í gegnum Instagram, myndband af slíku hefur verið í gangi á samfélagsmiðlum.
Williams sem er tvítugur átti að hafa verið að senda 15 ára stúlku skilaboð en hann neitar þessu og segir að um falsað myndband sé að ræða. Hann á unnustu og hafnar þessu alfarið.
Williams lék stórt hlutverk hjá Manchester United á síðustu leiktíð en hefur lítið spilað á þessu tímabili.
„Brandon veit af þessum sögusögnum en hann hafnar þessu alfarið,“ sagði lögmaður Brandon við Manchester Evening News.
„Þetta er falsað myndskeið, við höfum látið Twitter vita af því. Brandon hefur beðið sitt teymi um að fara með málið eins langt og þarf til að stoppa þetta. Við munum ekki hika við að fara í mál við þá sem halda þessu fram.“
Brandon er tvítugur vinstri bakvörður en sögur hafa verið á kreiki um að United ætli að lána hann.
