Tottenham glutraði niður þriggja marka forystu er liðið gerði 3-3 jafntefli við West Ham United í ensku úrvalsdeildinni í dag. Jöfnunarmark West Ham kom í uppbótartíma.
Heung Min-Son kom Tottenham yfir þegar einungis 25 sekúndur voru liðnar af leiknum.
Á 8. mínútu leiksins var röðin komin að Harry Kane, hann tvöfaldaði forystu Tottenham með marki eftir stoðsendingu frá Son.
Kane var aftur á ferðinni á 16. mínútu og Tottenham því komnir 3-0 yfir eftir rúmlega stundarfjórðung.
Á 82. mínútu minnkaði Fabian Balbuena metin fyrir West Ham og þremur mínútum síðar varð Davinson Sanchez, varnarmaður Tottenham, fyrir því óláni að skora sjálfsmark.
Manuel Lanzini jafnaði leikinn fyrir West Ham United með hreint út sagt frábæru marki í uppbótartíma. Hreint út sagt ótrúleg endurkoma hjá West Ham.
Fleiri mörk voru ekki skoruð í leiknum. Tottenham er eftir leikinn í 6. sæti deildarinnar með 8 stig. West Ham er í 8.sæti með 7 stig.
Tottenham 3 – 3 West Ham United
1-0 Heung Min-Son (‘1)
2-0 Harry Kane (‘8)
3-0 Harry Kane (’16)
3-1 Fabian Balbuena (’82)
3-2 Davinson Sanchez, sjálfsmark (’85)
3-3 Manuel Lanzini (’94)
