Það er stórleikur í borg Bítlanna um helgina þegar grannarnir í Everton og Liverpool eigast við á Goodison Park. Leikurinn fer fram klukkan 11:30 á laugardag.
Jurgen Klopp stjóri Liverpool hefur fengið góðar fréttir fyrir leikinn en bæði Sadio Mane og Thiago Alcantara hafa jafnað sig af COVID-19 veirunni.
Báðir leikmennirnir misstu af síðasta leik Liverpool vegna veirunnar en hafa jafnað sig. Naby Keita er hins vegar enn í einangrun vegna veirunnar.
Þá hefur Joel Matip varnarmaður liðsins jafnað sig af meiðslum í kálfa og hefur æft af krafti síðustu daga.
Markvörðurinn Alisson Becker er áfram fjarverandi og mun hinn humdeildi Adrian því standa vaktina í markinu í Guttagarði.
