Real Madrid hefur fest kaup á 18 ára gömlum leikmanni sem ber nafnið Reinier Jesus.
Þetta staðfesti félagið í dag en Reinier skrifaði undir sex og hálfs árs samning við spænska félagið.
Talið er að Real borgi 25 milljónir punda fyrir Reinier sem spilar framarlega á vellinum.
Hann er talinn vera einn efnilegasti leikmaður Brasilíu og var áður á mála hjá Flamengo.
Arsenal og Everton sýndu honum einnig áhuga en Real hafði betur í baráttunni.
