Íslenska karlalandsliðið spilaði við El Salvador í nótt en leikið var í Los Angeles í Bandaríkjunum.
Þetta var annar vináttuleikur Íslands á stuttum tíma en nýlega vann liðið 1-0 sigur á Kanada.
Það sama var upp á teningnum í nótt en eitt mark var skorað og það kom frá íslenska liðinu.
Kjartan Henry Finnbogason gerði það í síðari hálfleik til að tryggja okkar mönnum sigurinn.
Þess má geta að Pablo Punyed, leikmaður KR, spilaði allan leikinn fyrir lið El Salvador.
