Kristín Erna Sigurlásdóttir skrifaði á dögunum undir 2ja ára samning við Knattspyrnudeild KR. Kristín Erna er uppalinn í ÍBV og spilaði með meistaraflokki félagsins frá 2007-2019, fyrir utan tímabilið 2016 hvar hún lék með Fylki.
Kristín Erna sem er 28 ára á að baki 189 leiki með meistaraflokki og hefur skorað í þeim 102 mörk. Þá lék Kristín Erna einnig fjölmarga leiki með yngri landsliðunum. Kristín sem lék sinn fyrsta leik með KR í Reykjavíkurmótinu nú á dögunum og skoraði eitt mark.
Þá endurnýjaði Ingunn Haraldsdóttir samninginn sinn við KR og gildir hann til tveggja ára. Þessi öflugi varnarmaður hefur verið einn af burðarásum liðsins síðustu misserin og því mikið gleðiefni að hún skuli spila í KR næstu tímabil.
