Pepe Reina, fyrrum markvörður Liverpool, hefur skrifað undir samning við Aston Villa.
Þetta staðfesti enska félagið í kvöld en Reina hefur gert lánssamning við Villa út tímabilið.
Reina hefur undanfarið spilað með AC Milan en hann var varamarkvörður liðsins.
Milan var tilbúið að leyfa þessum 37 ára gamla markverði á lán út tímabilið og leitar nú að arftaka hans.
Reina býr yfir mikilli reynslu en hann mun verða aðalmarkvörður Villa eftir meiðsli Tom Heaton.
