Jose Mourinho, stjóri Tottenham, segir að hans menn hafi átt skilið meira í kvöld eftir 1-0 tap gegn Liverpool.

Mourinho kvartaði einnig yfir marki Liverpool sem kom eftir innkast sem hefði getað verið dæmt í hag Tottenham.

,,Þú veist hversu nálægt við vorum. Ég held að strákarnir í stúdíóinu viti það líka. Ég get verið sár yfir úrslitunum en ég er bara ánægður og stoltur af því sem leikmennirnir gerðu,“ sagði Mourinho.

,,Leikskipulagið gekk ekki alveg eftir. Við eyddum tíma í gær að verjast innköstum og við töpuðum á innkasti í dag. Þetta innkast átti að vera okkar svo það er pirrandi.“

,,Dómararnir gerðu vel en því miður sá línuvörðurinn þetta ekki. Annars er ég bara ánægður með strákana, við erum með það sem við erum með. Við áttum skilið meira úr þessum leik.“