Hlín Eiríksdóttir kom Val yfir þegar aðeins 9 mínútur voru liðnar af leiknum og var staðan 0-1 í hálfleik. Þegar um korter var liðið af seinni hálfleik skoraði Elín Metta Jensen annað mark Vals. Mist Edvardsdóttir innsiglaði síðan 0-3 sigur Vals með marki á 82. mínútu.
Valur komst upp í fyrsta sæti deildarinnar með sigrinum og er liðið einu stigi á undan Breiðablik. Blikar eiga þó leik til góða og gætu náð fyrsta sætinu aftur með sigri eða jafntefli í þeim leik.
