Andri, sem er einungis 18 ára gamall, fór til Bologna í fyrra en liðið leikur í efstu deild Ítalíu. Andri spilaði 7 leiki með liðinu á tímabilinu sem var að ljúka. Viðræður hafa farið fram milli Andra og Bologna undanfarna mánuði en nú hefur hann skrifað undir og gildir samningurinn til 5 ára, eða til 30. júní árið 2025.
Þegar Andri kom inn á í fyrsta leiknum sínum með liðinu varð hann yngsti íslenski leikmaðurinn til að spila í 5 stærstu deildum Evrópu.
