Í síðustu viku spilaði Fylkir gegn toppliði Valss í Pepsi Max-deild kvenna, en leikurinn endaði með 1-1 jafntefli. Hulda Hrund Arnarsdóttir, leikmaður Fylkis, deildi myndbandi í gærkvöldi af áverkum sem hún fékk í leiknum.

Í myndbandinu má sjá að vinstri fótur Huldu er blár og marinn eftir leikmann Vals. Marið er gríðarlega stórt en það nær yfir allan sköflung og niður að ökklanum og  aðeins á ristina. „Þetta var bara boltinn,“ á dómarinn að hafa sagt við Huldu eftir að hún fékk áverkana. Þegar myndbandið er skoðað er það hins vegar ljóst að leikmaður Vals fór ekki einungis í boltann.

Myndbandið má sjá hér fyrir neðan:

“Þetta var bara boltinn” – PepsiMax dómari 🥳 pic.twitter.com/ELyE6tUsAJ

— hulda.arnars8 (@huldaarnars8) July 19, 2020