Um helgina varð Wilfried Zaha, leikmaður Crystal Palace, fyrir kynþáttafordómum á samskiptamiðlinum Instagram.

Zaha fékk ógeðsleg skilaboð fyrir leik gegn Aston Villa sem hans menn töpuðu að lokum 2-0.

Það var 12 ára strákur sem sendi þessi skilaboð á Zaha en lögreglan var ekki lengi að handtaka drenginn.

Ekki löngu seinna kom upp annað rasískt mál þar sem framherjinn David McGoldrick varð fyrir fordómum.

McGoldrick birti sjálfur skjáskot af ógeðslegum skilaboðum sem hann fékk eftir 3-0 sigur á Chelsea.

,,Lífið þitt er tilgangslaust, þú ert bara andskotans api,“ var á meðal annars skrifað til McGoldrick sem vakti athygli á þessu á Twitter.

Lögreglan í Sheffield vinnur nú með félaginu til að finna þann sem á sök á árásinni.