Jose Mourinho, stjóri Tottenham, var glaður í kvöld eftir sigur hans manna gegn Arsenal í grannaslag.
Tottenham hafði betur með tveimur mörkum gegn einu og var Portúgalinn sáttur með frammistöðuna.
,,Þetta var taktískur sigur frekar en eitthvað annað. Ég held að Mikel Arteta sé búinn að finna leið fyrir þá til að spila og sýna stöðugleika,“ sagði Mourinho.
,,Þeir eru að bæta sig og við þurftum að aðlagast þeim og ég held að við höfum gert það mjög vel.“
,,Jafnvel í byrjun seinni hálfleiks þegar þeir voru meira með boltann þá leið okkur nokkuð þægilega á okkar vallarhelmingi.“
,,Líka undir lok leiksins í stöðunni 2-1, engin vandamál, við vorum með stjórn á öllu og erum ánægðir.“
