Frank Lampard, stjóri Chelsea, var óánægður með sína menn í dag eftir 3-0 tap gegn Sheffield United.

Chelsea spilaði langt undir getu í dag og vann Sheffield að lokum sanngjarnan 3-0 heimasigur.

,,Þeir voru betri en við líkamlega, andlega og með boltann. Svo við töpum leiknum,“ sagði Lampard við Sky eftir leik.

,,Þeir voru sterkari en við. Þú heyrir allt sem sagt er á vellinum og það eina sem ég heyrði var frá leikmönnum Sheffield.“

,,Þeir eru gott lið. Ef þú kemur hingað og spilar undir getu þá gerist þetta. Við vorum of hægir og vorum ekki að fá vængmennina inn í leikinn.“

,,Þú fylgist með allt tímabilið og heldur áfram. Við þurfum að gleyma þessu sem fyrst og berjast um topp fjóra. Ég lærði mikið í dag og ég mun ekki gleyma því.“