Ole Gunnar Solskjær, stjóri Manchester United, var í gær spurður út í hvort Paul Pogba myndi skrifa undir nýjan samning við félagið.
Pogba er endalaust orðaður við brottför frá félaginu en talað er um að hann sé í viðræðum um nýjan samning.
,,Ég get ekki tjáð mig um viðræður leikmanns og félagsins en auðvitað viljum við halda bestu leikmönnunum,“ sagði Solskjær á blaðamannafundi.
,,Við viljum byggja lið fyrir framtíðina. Scott McTominay og Nemanja Matic eru svipaðir leikmenn en á öðrum stað á ferlinum.“
,,Einn er að byrja og annar er mjög reynslumikill, við þurfum líka leikmenn mitt á milli.“
