Robert Lewandowski, leikmaður Bayern Munchen, viðurkennir að Real Madrid hafi reynt að fá hann á sínum tíma.
Lewandowski er einn besti framherji heims en hann ákvað að lokum að halda sig í Þýskalandi.
,,Það voru margar sögusagnir í gangi. Real er frábært félag. Ég hugsaði mig um en varð áfram og sé ekki eftir því,“ sagði Lewandowski við Bild.
,,Við erum fjölskylda og það ætti að taka allan vafa burt. Ég er mjög ánægður í Munchen.“
,,Ég er 100 prósent leikmaður Bayern og horfi þannig á mig. Ég veit hvernig félagið stendur með mér.“
