Angel Gomes leikmaður Manchester United hefur hafnað því að skrifa undir nýjan samning hjá félaginu og fer frítt eftir morgundaginn.
Gomes er 19 ára gamall og hefur fengið nokkur tækifæri hjá aðalliði United. Félagið vildi gefa honum nýjan samning.
Viðræður hafa átt sér stað milli Gomes og United en ekkert samkomulag er í höfn. Samningur hans er á enda á morgun.
Gomes er á óskalista Juventus og Chelsea og ætti að finna sér nýtt félag. „Ég hef ekki rætt við hann í gær eða í dag og það er líklega ekkert samkomulag,“ sagði Ole Gunnar Solskjær um stöðu mála.
Gomes hefur lengi verið í herbúðum United og miklar væntingar hafa verið gerðar til hann en hann fer nú frítt frá félaginu.
