Næstu þremur leikjum Stjörnunnar í efstu deild karla hefur verið frestað en þetta staðfesti KSÍ í kvöld.

Ástæðan er sú að leikmaður Stjörnunnar hefur greinst með Kórónuveiruna og þarf liðið að fara í sóttkví.

Stjarnan er í svipaðri stöðu og kvennalið Breiðabliks þar sem einn leikmaður greindist með smit.

Þetta eru ekki góðar fréttir fyrir Garðbæðinga né Íslandsmótið sem var farið af stað á fullu.

Stjarnan átti að mæta KA í þriðju umferð á morgun en liðið er með fullt hús stiga eftir tvær umferðir.

Liðið mun þá ekki spila leiki gegn FH þann 5. júlí eða gegn KR þann 9. júlí.