Manchester City er ennþá besta lið Englands að mati Frank Lampard, stjóra Chelsea en þessi lið mættust á fimmtudag.

Chelsea vann 2-1 heimasigur á City á Stamford Bridge sem varð til þess að Liverpool vann Englandsmeistaratitilinn í fyrsta sinn í 30 ár.

,,Þetta var erfitt. Þegar þú mætir liði eins og Manchester City, hvernig þessir einstaklingar eru þjálfaðir þá eru þeir bestir að mínu mati þegar kemur að því að spila fótbolta. Það er svo gaman að horfa á þá,“ sagði Lampard.

,,Pep Guardiola og Jurgen Klopp eru í öðrum klassa og þess vegna er Liverpool að vinna deildina.“

,,Við þurfutm að leggja svo hart að okkur til að ná úrslitum. Við þurftum að vinna varnarlega og við gerðum það. Við sköpuðum einnig hættulegri færi.“