Manchester City vann mjög sannfærandi sigur í ensku úrvalsdeildinni í fyrradag er liðið mætti Burnley. Þeir Riyad Mahrez og Phil Foden voru heitir í fyrradag og skoruðu báðir tvennu í 5-0 sigri.
Reynsluboltinn David Silva komst einnig á blað og var það nafni hans Bernardo sem lagði upp markið.
City varð fyrir áfalli í fyrri hálfleik en Sergio Aguero fór þá meiddur af velli og er óvíst hversu alvarleg þau meiðsli eru.
Aguero var sendur beint til Barcelona og gekkst hann undir aðgerð í dag sem heppnaðist vel, framherjinn segir að aðgerðin hafi heppnast vel.
Ramon Cugat virtur læknir í Katalóníu sá um aðgerðina en Pep Guardiola stjóri City sendir leikmenn sína iðulega til hans.
