Mikael Silvestre, fyrrum leikmaður Manchester United, gagnrýndi Jamie Carragher eftir tap Arsenal gegn Manchester City á miðvikudag.

Carragher var í settinu hjá Sky Sports og hraunaði yfir David Luiz, leikmann Arsenal, sem átti slæman leik.

,,Við héldum öll það sama eftir að hann hrækti á knattspyrnuaðdáanda… Hann er kominn aftur og hrækir á leikmenn!“ sagði Silvestre á Twitter.

Carragher var settur í tímabundið bann af Sky á síðustu leiktíð er hann hrækti á bifreið fólks eftir tapleik Liverpool.

Dejan Lovren, leikmaður Liverpool, ‘like-aði’ færslu Silvestre eins og má sjá hér fyrir neðan.