Jose Enrique, fyrrum leikmaður Liverpool, býst við að Virgil van Dijk mæti reiður til leiks í kvöld.
Í kvöld fer fram stórleikur Everton og Liverpool í ensku úrvalsdeildinni en Liverpool þarf tvo sigra til að tryggja titilinn.
Richarlison, leikmaður Everton, gaf það út fyrir helgi að Van Dijk væri ekki einn besti varnarmaður heims.
Það eru margir sem telja Van Dijk vera þann besta en Brassinn er á öðru máli.
,,Richarlison, smá ráð fyrir þig. Talaðu næst eftir leikinn, nú er VVD reiður. Sjáum hvað gerist!“ sagði Enrique.
Það verður fróðlegt að sjá hvað gerist í kvöld en það er oft fjör þegar þessi lið mætast.
