Katrín Jakobsdóttir, forsætisráðherra Íslands segir að allt gott fólk haldi með Liverpool. Hún ræðir ýmis mál við Sölva Tryggvason í nýju hlaðvarpi hans.

Katrín ræðir meðal annars um ást sína á Liverpool og Jurgen Klopp sem er hennar maður í Bítlaborginni. „Eins og allt gott fólk, svo kom þessi heimsfaraldur og truflaði sigurgöngu okkar. Það væri nú eftir öðru að þetta klúðraðist,“ sagði Katrín um Liverpool í dag en enski boltinn fer aftur af stað í vikunni. Liverpool verður meistari með því að vinna tvo leiki í fyrsta inn í 30 ár.

Sökum anna í starfi getur Katrín lítið horft á Liverpool en reynir að horfa á blaðamannafundi Jurgen Klopp.

„Ég geri það ekki, mér finnst meira gaman að horfa á blaðamannafundina hjá Klopp. Klopp er í uppáhaldi og svo er það Salah, fyrir drengina mína. Í raun og veru er Klopp minn uppáhalds maður, hann er töff. Það er mikil orka í gangi hjá honum.“

Til þess að peppa sig í daginn fer Katrín á Youtube og horfir á gamlar kempur í körfubolta. „Til að peppa mig þá horfi ég á Dennis Rodman taka fráköst og Michael Jordan taka sóknarbolta, þá ertu í góðum gír.“

Viðtal Sölva við Katrínu er hér að neðan.