KR-ingar gætu verið í vandræðum eftir baráttuna á Hlíðarenda á laugardag. Bæði Finnur Tómas Pálmason og Arnór Sveinn Aðalsteinsson eru meiddir.

Ólíklegt að Finnur og Arnór verði leikfærir gegn HK um næstu helgi þegar önnur umferð í Íslandsmóti karla í knattspyrnu fer fram.

KR vann góðan sigur á Val í fyrstu umferð deildarinnar á laugardag en Íslandsmeistararnir fóru frábærlega af stað.

„Finn­ur Tóm­as fékk högg á rist­ina og er að byrja í meðhöndl­un vegna þessa,“ sagði Rún­ar Kristinsson í sam­tali við mbl.is í dag.

„Við þurf­um að sjá til með hann og það ætti að skýr­ast bet­ur á morg­un hvert fram­haldið verður. Varðandi Arn­ór Svein þá var þetta líka högg og vænt­an­lega mar. Gæti verið togn­un í baki og við þurf­um að bíða og sjá hvernig þetta þró­ast. Eins og staðan er í dag eru þeir báðir mjög tæp­ir.“