Borussia Dortmund vann ansi dramatískan sigur í þýsku úrvalsdeildinni í dag er liðið mætti Dusseldorf á útivelli.

Það leit lengi út fyrir að markalaust jafntefli yrði niðurstaðan en það tók undrabarnið Erling Haaland ekki í mál.

Haaland kom inná sem varamaður í seinni hálfleik og skoraði sigurmark Dortmund á 95. mínútu í uppbótartíma.

Dortmund er fjórum stigum frá Bayern Munchen á toppnum sem á einn leik til góða.

Samúel Kári Friðjónsson kom ekki við sögu hjá Paderborn sem fékk Werder Bremen í heimsókn.

Paderborn tapaði stórt 5-1 á heimavelli og situr enn á botninum, átta stigum frá öruggu sæti.