„Ekkert kellingakjaftæði í íslenka boltanum sko!,“ skrifaði Magnús Ragnarsson framkvæmdastjóri afþreyingamiðla og sölu Símans í gær á Twitter og óhætt er að segja að allt hafi orðið vitlaust. Magnús setti færsluna inn með mynd af þeim sem koma að umfjöllun um efstu deild karla í knattspyrnu hjá Stöð2 Sport en það er Sýn, keppinautur Símans sem hefur réttinn af íslenskri knattspyrnu. Magnús gagnrýndi þarna að engar konur kæmu að umfjöllun um efstu deild karla.

Ekkert kellingakjaftæði í íslenka boltanum sko! pic.twitter.com/QjB0cLwwdl

— Magnus Ragnarsson (@MagnusRagnars) June 12, 2020

Sýn er með réttinn af efstu deild kvenna og þar koma bara konur að dagskrárgerðinni. „Hvað ert þú aftur búin að sýna mikinn kvennabolta á símanum? Þetta er ævintýralega vandræðarlegt hjá þér félagi,“ sagði Máni Pétursson sem kemur að umfjöllun Sýn um efstu deild karla.

Magnús Hafliðason sem sér um markaðsmál hjá Sýn var einnig fljótur að svara dylgjum nafna síns. „Ekki nema fullt af útsendingum, þ.m.t öll fyrsta umferð kvenna í beinni og sér þáttur tileinkaður deildinni, stýrt af konu og með kvenkyns alitsgjöfum,“ skrifaði Magnús.

Nafni hans á Símanum var ekki lengi að svara fyrir sig. „Snilld. En ég er bara að horfa á karlmannlegt markaðsefni þitt.“

Buðu síðast í kvennafótbolta árið 2017:

Magnús sagði í svari til Mána að Síminn hefði síðast boðið í sýningarétt á kvennafótbolta árið 2017 þegar Evrópumótið fór fram. „Bauðstu síðast í eitthvað 2017 og hendir þessu inn 2020. Framlag þitt til kvennaknattspyrnunar er ekki mikið. Ég geri ráð fyrir boði í ensku úrvalsdeildina i sumar frá simanum.þar Sem þú ert búin að garga á torg samfélagsmiðlana hvað þú ert góður og réttsýnn maður,“ skrifaði Máni og var óhress með Magnús.

Magnús sagði Síminn styðja kvennafótbolta með Símamótinu sem fram fer á hverju ári í Kópavogi. „Annars ætla ég að bjóða þér að troða þessu síðasta kommenti rakleiðis uppí þeramínið á þér. Síminn hefur til fjölda ára lagt mikinn metnað í Símamótið í yngri flokkum kvenna með beinum útsendingum síðustu ár.“

Mána fannst þetta ekki merkilegt svar og sagði „Ertu þá að tala um mótið sem þið eruð að kosta sjálfir líka. Eruð þið ekki bara að auglýsa eigið ágæti. Veit ekki betur en að við förum á slík mót líka. Þetta er bara vandræðaleg tilgerð í þér. Þrífðu bara ostalyktina þarna á símanum og byrjaðu svo að rifa kjaft.“