Mohamed Salah leikmaður Liverpool er að gera sig kláran í slaginn fyrir ensku úrvalsdeildina. Eftir æfingu í gær var Salah að verða bensínlaus og þurfti að fylla á tankinn.

Salah stoppaði á bensínstöð í borginni og var í æfingagallanum enda þurfa leikmenn að fara í sturtu heima hjá sér þessa dagana.

Salah var með hanska og sótthreinsisprey á sér til að forðast það að fá kórónuveiruna.

Það sem vakti athygli á bensínstöðinni í Liverpool er að Salah tilkynnti öllum sem voru að fylla á bílinn að hann ætlaði að borga.

Fólkið brosti sínu breiðasta yfir þessu góðverki Salah sem ákvað að taka upp veskið og borga fyrir fólkið í borginni.