Það vakti athygli þegar Helena Ólafsdóttir sagði upp störfum sem þjálfari kvennaliðs Fjölnis í meistaraflokki í vikunni, 108 félög eru skráð til leiks í sumar og ekki ein kona stýrir skútunni.

Bjarni Helgason, blaðamaður á Morgunblaðinu bendir á þessa staðreynd í pistli sínum í dag. Ekki ein kona er þjálfari í þessum 108 félögum, 29 félög senda lið til leiks í kvennaflokki en karlar ráða för þar.

„Alls eru 108 fé­lög skráð til leiks á Íslands­mót­inu í knatt­spyrnu í sum­ar. Í meist­ara­flokki karla eru 79 fé­lög skráð til leiks en 29 í meist­ara­flokki kvenna. Helena var eini kven­kyns þjálf­ar­inn fyr­ir viku en það var vef­miðill­inn fót­bolti.net sem vakti fyrst at­hygli á þessu í fe­brú­ar á þessu ári þegar tekn­ar voru sam­an skrán­ing­ar í deilda­bik­ar­inn, Lengju­bik­ar­inn, sem fer iðulega af stað í byrj­un fe­brú­ar,“ skrifar Bjarni í Morgunblað dagsins.

„Eft­ir því sem und­ir­ritaður kemst næst starfar því eng­in kona í dag sem aðalþjálf­ari þótt það séu vissu­lega nokkr­ar sem eru aðstoðarþjálf­ar­ar, kvenna­meg­in í það minnsta.“

Bjarni telur upp nokkrar konur sem verið hafa í þjálfun en hafa hætt. „Edda Garðars­dótt­ir, Guðrún Jóna Kristjáns­dótt­ir, Helena Ólafs­dótt­ir og Guðlaug Jóns­dótt­ir hafa að vísu all­ar þjálfað en gera það ekki í dag, sem er ansi sorg­leg þróun.“