Fede Valverde, leikmaður Real Madrid, segir að hann myndi læra mikið af Paul Pogba ef hann semur við félagið.
Pogba er oft orðaður við Real en hann er talinn vera á óskalista fjölmargra liða í Evrópu.
Frakkinn spilar með Manchester United í dag en margir telja að hann vilji komast burt þaðan sem fyrst.
,,Pogba? Ég lifi hljóðlátu lífi. Ég reyni að njóta þess þegar ég set þessa treyju á mig,“ sagði Valverde.
,,Ef hann kemur hingað í framtíðinni þá mun ég augljóslega læra mikið af honum sem leikmanni.“
