John Obi Mikel, fyrrum leikmaður Chelsea, hefur ákveðið að hætta hjá Trabzonspor í Tyrklandi.
Frá þessu er greint í kvöld en Obi Mikel samdi við tyrknenska félagið fyrir tímabilið.
Það er ekki búið að fresta deildinni í Tyrklandi vegna COVID-19 veirunnar eins og flest annars staðar.
Það fór ekki vel í Obi Mikel sem hefur ákveðið að segja upp samningnum og er hættur hjá félaginu.
Hann er 32 ára gamall og hefur verið einn af lykilmönnum Trabzonspor á þessu tímabili.
Samningur hans átti að renna út næsta sumar en nú er hann frjáls ferða sinna.
