Richard Cramer, virtur lögfræðingur í heimi íþrótta segir að það standi tæpt að hægt verði að klára ensku úrvalsdeildina ef fresta þarf deildinni lengur en nú ert gert ráð fyrir.

Hann segir það koma í ljós á næstu vikum, verði hægt að hefja leik í apríl sé hægt að klára deildirnar ár Englandi.

Verði ekki hægt að fara af stað fyrr en í maí eða júní, sé útilokað að klára deildina. Deildin er í pásu vegna kórónuveirunnar.

,,Við eigum að vera í lagi ef það er hægt að byrja í apríl,“ sagði Cramer.

,,Ef við erum að tala um maí eða júní, þá er það nánast eina leiðin að hætta við tímabilið og láta það ekki telja.“

,,Þá er bara byrjað á sama stað og síðasta haust, sem væri mjög erfitt fyrir nokkur félög.“