Andy Jones, blaðamaður hjá The Athletic segir að pásan vegna kórónuveirunnar komi líklega á besta tíma fyrir Jóhann Berg Guðmundsson, kantmann Burnley.
Jóhann hefur lítið getað spilað á þessu tímabili, fyrsta vegna meiðsla í læri og nú vegna meiðsla í kálfa.
Áður en deildinni var frestað var óljóst hvenær Jóhann myndi spila aftur, deildin verður hið minnsta í þriggja vikna pásu og það gefur Jóhanni tíma til að snúa aftur.
,,Hann hefur ekki átt séns á þessu tímabili, meiðsli ofan á meiðsli hafa haldið honum frá vellinum,“ skrifar Jones.
,,Þetta þriggja vikna frí, hið minnsta gefur honum tækifæri til að hvílast og komast í gang á nýjan leik.“
