Dimitri Payet, stjarna Marseille, hefur svarað forseta Lyon, Jean-Michel Aulas sem er ansi umdeildur.
Aulas gaf frá sér stutta tilkynningu í gær þar sem hann bað franska knattspyrnusambandið að fella tímabilið niður í Frakklandi vegna kórónaveirunnar.
Payet telur að Aulas sé að reyna að bjarga eigin liði en Lyon situr í 7. sæti deildarinnar, 28 stigum á eftir toppliði PSG.
,,Er honum alvara þarna? Hann er bilaður! Það þarf að hitamæla hann og það strax!“ sagði Payet.
,,Hvernig lítur deildin út núna? Eru 28 leikir búnir? Ah ókei, nú skil ég þetta. Góð tilraun!“
