Cristiano Ronaldo, leikmaður Juventus, hefur greint frá því hvað hann ætlar að gera eftir að ferlinum lýkur.

Ronaldo ætlar að mennta sig meira eftir að skórnir fara í hilluna og vill einnig reyna fyrir sér sem kvikmyndastjarna.

Portúgalinn er 35 ára gamall en hann gæti ennþá átt nokkur góð ár eftir.

,,Ég einbeiti mér mikið að því að læra því það sem ég hef lært getur ekki svarað öllum spurningum sem ég er með,“ sagði Ronaldo.

,,Það er eitt sem ég er mjög hrifinn af og það er að reyna að leika í kvikmynd.“

,,Um leið og líkaminn minn hættir að bregðast við á réttan hátt á vellinum þá veit ég að það er kominn tími á að hætta.“