Ezequiel Garay, leikmaður Valencia, er fyrsti leikmaðurinn í La Liga til að smitast af kórónaveirunni.
Þetta staðfesti félagið í dag en fimm hjá Valencia hafa greinst með veiruna.
Spænska deildin er í pásu þessa stundina en stefnt er á að hefja keppni í henni í næsta mánuði.
Garay er nýlega búinn í aðgerð eftir að hafa slitið krossband og mun ekki spila meira á tímabilinu.
Hann gaf frá sér stutta tilkynningu á Instagram og segist líða vel og ætti að jafna sig að fullu af veirunni.
