Kai Havertz, leikmaður Leverkusen, fer ekki fyrir minna en 100 milljónir evra næsta sumar að sögn Peter Bosz.
Bosz er stjóri Leverkusen en Havertz er einn efnilegasti leikmaður heims og er reglulegur byrjunarliðsmaður hjá sínu félagi.
,,Kai er 20 ára gamall en hann er nú þegar að spila sitt fjórða tímabil í Bundesligunni,“ sagði Bosz.
,,Það segir mikið. Allir í Þýskalandi sjá hann sem undrabarn. Hann er frá Aachen og hefur verið þar síðan hann var átta ára.“
,,Það er gaman að vinna með honum. Hann er klár og spilar á píanó. Við seldum vin hans Julian Brandt til Dortmund síðasta sumar.“
,,Við getum ekki haldið honum næsta sumar, það verða félagaskipti upp á 100 milljónir evra. Hvað segi ég? Meira en 100 milljónir!“
