Hakim Ziyech, leikmaður Ajax, ætlar að reyna að hjálpa Chelsea næsta sumar að næla í markmann.
Frá þessu greina enskir miðlar en Ziyech mun ganga í raðir Chelsea frá Ajax eftir tímabilið.
Chelsea ætlar að leita að markverði eftir tímabilið og hefur Andre Onana verið nefndur til sögunnar.
Ziyech og Onana eru góðir vinir en þeir hafa spilað með hollensku meisturunum síðustu ár.
Ziyech mun reyna að sannfæra Onana um að koma með sér til Chelsea en hann er sjálfur opinn fyrir því að fara í stærra lið.
