Lorena Bernal, eiginkona Mikel Arteta, hefur tjáð sig um stöðu eiginmannsins en hann er með kórónaveiruna.

Arteta greindist með veiruna fyrir helgi og var í kjölfarið hætt við leiki í ensku úrvalsdeildinni.

,,Ég vil þakka öllum sem hafa sent batakveðjur, skilaboð, tölvupósta og hafa hringt, þetta hefur verið yfirþyrmandi,“ sagði Bernal.

,,Ég skil það að þið viljið fá að vita hvað er í gangi. Eiginmanni mínum líður vel. Það er rétt að hann hefur verið með einkenni veirunnar en þau hafa aldrei stöðvað hann frá því að vinna.“

,,Hann hefði bara tekið verkjatöflur og farið í vinnuna svo það er ekkert stórmál. Hann er með smá hita, smá hausverk en það er allt saman. Þannig er hans reynsla af þessu. Mér og börnunum líður vel.“