Jamie Carragher, goðsögn Liverpool, hefur svarað Karren Brady, varaformanni West Ham, sem skrifaði pistil í the Sun í dag.

Brady vill að tímabilið á Englandi verði endanlega fellt niður vegna kórónaveirunnar en hún er í pásu þar til í apríl.

Brady segir jafnframt að ekkert lið eigi að fá titilinn og að engin lið eigi að falla úr efstu deild.

Carragher tekur þessi ummæli ekki í mál og vitnar í Jurgen Klopp, stjóra Liverpool, sem vill sjá tímabilið halda áfram þegar tími til þess gefst.

,,Sjáiði ummæli Karren Brady í samanburði við ummæli Jurgen Klopp,“ sagði Carragher.

,,Það sem er sanngjarnt er að klára tímabilin þegar má spila aftur. Knattspyrnusamböndin fundu leið til að smella HM inn á miðju tímabili svo þeir geta reddað næstu leiktíð.“