Paul Ince, fyrrum leikmaður Manchester United, sá magnað mark Odion Ighalo í leik við LASK Linz í gær.
Ighalo skoraði geggjað mark fyrir United í 0-5 sigri en hann hélt boltanum á lofti áður en hann þrumaði í slá og inn.
Leikið var fyrir luktum dyrum í Austurríki og telur Ince að það hafi hjálpað leikmanninum mikið.
,,Þetta minnir mig á eitt af þessum mörkum sem þú skoraðir á æfingu. Ef það eru allir á vellinum… Þá veit ég ekki,“ sagði Ince.
,,Kannski er ég að móðga hann en ég veit ekki hvort hann hefði getað skorað þarna.“
