Chris Kirkland, fyrrum leikmaður Liverpool, telur að það væru mistök hjá félaginu að losa sig við markmanninn Adrian í sumar.

Adrian er varamarkvörður Liverpool en hefur gert nokkur mistök í þeim leikjum sem hann hefur fengið sénsinn í til þessa.

,,Það er ekkert hægt að fela það að hann hefur gert mistök. Alisson er alltaf númer eitt og það setur auka pressu á hann,“ sagði Kirkland.

,,Því miður þá gerði hann mistök gegn Chelsea og svo gegn Atletico en hann veit að hann er nógu stór og með nógu stóran karakter.“

,Hann hefur verið frábær síðan hann kom til félagsins undir erfiðum kringumstæðum. Hann hjálpaði eftir meiðsli Alisson og vann Ofurbikarinn.“

,,Ég þekki ekki samningamálin en það kæmi mér verulega á óvart ef hann er ekki hjá félaginu á næstu leiktíð vegna þess hvernig hann hefur staðið sig bæði innan sem utan vallar.“