Enska úrvaldsdeildin og aðrar deildir þar í landi eru á leið í frí. Mögulega verður farið af stað aftur þann 4 apríl en líkur eru á að frestunin verði lengra.

Ástæðan er kórónuveiran en smit eru staðfest hjá Chelsea og Arsenal. Grunur er um smit hjá Everton, Leicester og Bournemouth.

Veiran er að breiðast hratt út á Englandi og var þetta viðbúið. Aðrar deildir í Evrópu hafa stigið þetta skref.

Ekkert smit hefur greinst hjá Liverpool en félagið hefur ákveðið að loka æfingasvæði sínu. Leikmenn hafa fengið æfingaáætlun heim með sér.

Ekki er ákveðið hvenær æfingar fara af stað aftur en Newcastle og fleiri félög hafa bannað æfingar.