Luca Kilian er ekki nafn sem allir kannast við en hann spilar með Paderborn í Bundesligunni.

Bundesligan er efsta deild Þýskalands en með Paderborn spilar einnig Samúel Kári Friðjónsson.

Nú er búið að staðfesta að Kilian sé fyrsti leikmaður deildarinnar til að smitast af kórónaveirunni.

Leikmenn víðsvegar í Evrópu hafa smitast og til að mynda fimm sem leika með Sampdoria á Ítalíu.

Kilian er 20 ára gamall en hann byrjaði ferilinn hjá Dortmund og samdi við Paderborn árið 2019.

Þýska deildin er í pásu líkt og aðrar deildir vegna veirunnar en stefnt er að því að spila á ný í apríl.