Enska úrvaldsdeildin og aðrar deildir þar í landi eru á leið í frí. Mögulega verður farið af stað aftur þann 4 apríl en líkur eru á að frestunin verði lengra.
Ástæðan er kórónuveiran en smit eru staðfest hjá Chelsea og Arsenal. Grunur er um smit hjá Everton, Leicester og Bournemouth. Veiran er að breiðast hratt út á Englandi og var þetta viðbúið. Aðrar deildir í Evrópu hafa stigið þetta skref.
Mikel Arteta, þjálfari Arsenal er með staðfest smit en liðið mætti West Ham um síðustu helgi. Margir hjá West Ham eru farnir í sóttkví.
Þannig er David Moyes, stjóri West Ham í sóttkví en hann og Arteta tókust í hendur eins og sjá má hér að neðan.
Leikmenn máttu ekki takast í hendur fyrir leikinn en Moyes og Arteta gerðu það.
