Sóknarmaðurinn Paulo Dybala hefur neitað því að hann sé með kórónaveiruna eins og greint var frá í gær.
Fyrr í vikunni var staðfest að Daniele Rugani, leikmaður Juventus, væri með veiruna og gæti hafa smitað aðra.
Nokkrir leikmenn í Serie A á Ítalíu eru með veiruna en Dybala er víst ekki einn af þeim.
Hann gaf frá sér tilkynningu í dag og segist líða vel og er í sjálfskipaðri einangrun til að forðast veikindin.
Aðrir leikmenn Juventus eru í hættu eftir smit Rugani en að svo stöddu er hann sá eini sem er með veiruna.
